«Mir zwai sinn finanzell am Änd,
und bitte um e glaini Schpänd,
e baar Milliarde, viile Dangg,
schliesslich sinn mir au e Bangg.» (Alperöösli)
«E Job bi dr Bangg isch wie s Paradiis uff Ärde
Kasch jeede Daag uusegworfe wärde.»(Aigebreetler)
«In Ziiri kasch zem Klaider kaufe
Bim zaale UBS Aktie gee
Z Basel sells glyy äänlig laufe:
Fir so Aktie gits Drambillijée.
Will dr Wäärt duet abegoo
Muesch bressiere bim yyneloo.» (Die Unerheerte)
«Im Wald, im dunggle Wald het dr Santiglaus uns gsait
Die greeschti Ruete han ych das Joor in dUBS yyne drait
Als Stroof han ych derno nur dManderyynli deerte gloo
Und sSeggli voll mit Bo-Nissli zrugg in Schwaarzwald gnoo.» (Rätschbääse)
«Dr Marquard sait zue syner Frau: "Du, Raquel, das isch fies
DPerformance vom Portfolio isch das Joor wirgglig mies
Mi Investment bi dyne Brieder isch ewägg - s isch allerhand!"
Do sait sii: "Schatz, mit de Lehmann Brothers - bin ych nit verwandt!"» (Rätschbääse)
«Mechte Si nit au e glai Vermeege mache?
Ych waiss es isch Kriise, daas isch nit zem lache
Ych bi zwoor nit Bängger aber s gieng bestimmt schlangg
Bringe Si aifach e GROSSES jetze zem Bangg.» (Dr Stoorch)
«Wo dr Ospel merggt: So wirds nimm wytergoo
Do schlyycht är sich fyys und lyys und schnäll dervoo
Will dSchwyzer Wirtschaft kain me bruuch vo sym Format
Schaffi är jetze halt z Somalia als Pirat.» (Die Verlumpte)
